Tu ahu tu ahu madara Muri di
Yesus Kristus
Li pe dai Muri lodo naddi, ro
aggu di la dara lai rope tu, ma dara awe ta hae Yesus Kristus la dara rae ro
mau ro Megala.
Madara awe ne nanne ana hekola -
ana hekola tatitu djehe ngara la liru, na dei petu neheleo Yesus ta ha’e, Tade
ta li kika manga na, wo dau ro Galilea ta nyake mu tatitu jeheleo la liru? Li
pedai ne naddi nepetutu ne addo ta tu ana hekola-ana hekola ma awe nanne ne we.
Tapulara lema tana tu ammu wiehu nga mejura lema nga roherani lowe awe ne
naddi. Rowi ae nedau ro parahadja ro rihi ne kewalu wala nga lai-lai wiehu ro
matele. Tapulara ta lu ne rodue rohape ro pedelo la Muri ma era no
ropetato.
Tu ahu tu ahu madara Muri di
Yesus Kristus
Awe naddi era ne roherani
lowe ro mejanni tapedutu ma lai wie hu nga mejura lamiwe ne era,
hudi-hudi kako la wiehu nga mejura ne naddi, peteni peawu ne nidde, ta pedutu
nga mone pepika peliba ne naddi ngane nidde.
Tapulara ammu wiehu nga
mejura no miha megae ke talu. lai wiehu roherani lowe no miha ngaddi do taheleo
tahe tarri.
Gi lua jagga ma ammu wiehu nga
mejura I’a tame tima he we. Giri he ta era jagga ma ammu a’a ari, lua ami
menagngi ma nga a’a ari, lua pe kadde ammu pehe udju pehe adde, dje lai ro
pekako ma kategori gi addo lua pehe udju pehe adde tapulara wae do ta pedduli.
Roherani awe naddi era ro rihi
dei ta kako laro dja’u tanatu ta era la lai wiehu ro mone ae, Tapu lara pemala
ta dakka ma dara wie hu mejura mange ro rae ro kowa gi addo peheudju
peheadde mange a’a ari.
Era ro li ta dei ta kale Muri,
tapulara wae do ta dakka tu tape kadde roherani ma mi no ne hamme tu ta
jagga tu tape peke pelebe lidara Muri.
Tapulara Muri ngaddi do tapedoa
di ta djaddi ta dau ro dei taperihe, ta kale maudara madara Muri. Muri nepedoa
di tu tahenono henarru ma dara ro due ro hape tuta wie ngi’u ta petuwu
nga dau ro wala.
Ana hekola-ana hekola awe nanne
ta taka li rowi na tatitu djeheleo la liru. Ammi mi Yesus nepe tutu ne roala ma
wie jagga mange na tu ta jaddi hakahi dje heleo he tarri raiwawa.
Ne petu ne lua manno ado
tapengaha ma dara a’a ari roherani we. Tapulara ro djamma tapedelo madara lua
henono ta jagga tu Muri.
Ammi hare le ma roherani awe
naddi. Dje bole di ta pereke ta rommau taga la pedutu lai wiehu la miwe ne era,
tapulara ammu no miha waedo tapereha, nga a’a ari waedo ta peheudju peheadde,
ammu lai wiehu mejura no miha waedo ta pedduli.
nge tadodi ta mejanni ta dedde
kae madara pekelode muri we ria, tapulara kae ne waedo ta jagga tu dauihi
anga lema ammu Muri.
Tu ahu tu ahu madara Muri di
Yesus Kristus
Roherani ngara do ta dju,
giri he roherani ta dai ta jaddi ta dau heleo we. Ammu peheudju peheadde ro
pekadde la dau-dau ro wae ta dakka ma djagga, ro ta wie ngiu, ro wae ta
pedduli.
Muri addo taheleo ta henya ne ae
di, ne ae ro daka ma wiehu mejura, Tapulara roheleo lema ammi mi di
ne henono madara jagga rodue rohape madarra kristus.
Bale ma di ro rihi dai ta perihe
ne lua dei di tu ta kale lua ketanna la era rowala, tapulara Muri ro dei di ta
jaddi tahenono ngatti ammu di miha.
Ngatti Gereja di miha, tu ta
layani ie ta ro naoki ro era ma nemada madara ammu di. Bale ma lua henono
henarru nga Muri ro heleo rai ti lua henono, ne pekako jagga ma era ro
wie la Muri di.
Muri addo ro kale dau ro pedduli
ro daka ma lai wiehu mejura we, Muri ro ta kale dau ro wae ta due ta hape dje
ro tape kako ne tenge ro pe kako.
Yesus Kristus ta Hae la rae romau
romegala, tapulara ro djanne la No ne jagga tape kako mange Gereja, Gereja ro
djamma ta muri, dje ro dju, dje djaddi keleo. Dje na nanne ngara do ta jaddi
giri roherani takewalu wala taheleo la liru dje waedo ta djagga ma
raiwawa.
Taga laammi harre li pedai Muri
lodo naddi ta adja di taheleo bale ne gereja di, a’a ari di, dje pekako ne lai
ro pehape nga di. Dje bole di ta kale muri la ro jau-jau we. Tapulara lu, la di
ne era mami la Muri ne takke di, dara ammu di apa kerewe, ihi amu , hari nga
ana. waedo taheleo tahe tarri.
Mai ma jaddi ta roherani ro
addo ta ro madjanni ta wiehu mejura we. Tapulara madjanni lema ta jaga tu Muri.
Madjanni ta ddeka madara lua he udju he adde nga roherani, ma djanni lema, madara pekako jagga Muri. Ma djanni dje pedduli nga a’a ari lema nga Gereja, rowi lua manno ro petutu ne ro heleo madara lua henono, ro nga lua ta ago madara pekako jagga. Muri ro wie di mangi hari-hari. Amin
